Ambasadori britanik në Kosovë, Nicholas Abbot, ka bërë një postim në llogarinë e tij në Facebook në gjuhën shqipe. Ai ka thënë se pasi ka mësuar gjuhën shqipe ka marrë pjesë në hapjen e Seminarit të 41-të për gjuhën, letërsinë dhe kulturën shqiptare.
Në fjalën e tij në shqip, Abbot ka theksuar se letërsia shqipe me rrënjët e saja të thella në folklor, poezi dhe prozë ofron një dritare në shpirtin e një kombi.
“Pasi kam pasur nderin të mësoj gjuhën shqipe, ishte kënaqësi të marr pjesë në hapjen e Seminarit të 41-të për gjuhën, letërsinë dhe kulturën shqiptare. Gjatë fjalimit tim theksova se: ‘Letërsia shqipe, me rrënjët e saj të thella në folklor, poezi dhe prozë, ofron një dritare në shpirtin e një kombi. Veprat e Ismail Kadaresë, Naim Frashërit e shumë të tjerëve, jo vetëm kanë kontribuuar në letërsinë botërore, por kanë shërbyer edhe si një urë lidhëse mes kulturave’, ka shkruar Abbot.