E ngarkuara me punë në Ambasadën Amerikane në Prishtinë, Anu Prattipati, këtë të enjte ka takuar Drejtorin Ekzekutiv të Odës Ekonomike Amerikane në Kosovë, Arian Zeka si dhe presidentin e Bordit të OEAK-së, Lorik Fejzullahu.
Një njoftimin e Ambasadës bëhet e ditur se temë diskutimi ka qenë thellimi i bashkëpunimit ekonomik ShBA-Kosovë, njofton Dukagjini.
“Si një urë kyçe për kompanitë amerikane, AmCham ndihmon në promovimin e një klime mikpritëse për biznesin dhe lidh bizneset përmes delegacioneve drejt Shteteve të Bashkuara të Amerikës – duke mbështetur investimet dypalëshe dhe rritjen e përbashkët”, thuhet në postimin e Ambasadës teksa i njëjti përmbyllet me fjalinë “Partneri i preferuar i ShBA-së”.