Të hënë e 29 gushtit, NASA shtyu për të paktën katër ditë lëshimin e raketës së saj kolosale të gjeneratës së ardhshme në një fluturim testues debutues të shumëpritur, një udhëtim i planifikuar gjashtëjavor pa ekuipazh rreth hënës dhe prapa 50 vjet pas misionit të fundit hënor të Apollonit.
Nisja e raketës së NASA-s është shtyrë për të paktën katër ditë, për shkak të problemeve motike.
Space Launch System (SLS), pa ekuipazh, ishte paraparë të udhëtonte për gjashtë javë drejt hënës.
Ora e numërimit mbrapsht u ndal rreth 40 minuta përpara orës së synuar të nisjes prej 8:33 të mëngjesit pasi raketa 32-katëshe e lartë, me dy faza Space Launch System (SLS) dhe kapsula e saj e ekuipazhit Orion pritën të ngriheshin nga Qendra Hapësinore Kennedy në Cape Canaveral, Florida, raporton Reuters.
Agjencia hapësinore e SHBA-së përmendi një problem të zbuluar në një nga motorët kryesorë të raketës, pasi ekipet e lëshimit kishin filluar të mbushnin rezervuarët bazë të karburantit të raketës me oksigjen të lëngshëm super të ftohur dhe shtytës hidrogjeni.
Data tjetër e nisjes së raketës mund të jetë 2 shtatori, por ekipi i NASA-s do të vlerësojë se cila do të jetë koha më e përshtatshme për nisjen e raketës.