Futbollisti nga Gjilani, Arbër Mustafa, 25 vjeç, është një nga emrat më të përfolur të merkatos së verës në Ligën e Parë të Kosovës. Pas një sezoni të suksesshëm me F.C Vjosa, ku u shqua si një nga lojtarët më të qëndrueshëm në repartin e mesfushës, Mustafa po tërheq interesimin e disa klubeve tjera të kësaj lige.
Gjatë karrierës së tij, Arbër Mustafa ka qenë pjesë e disa skuadrave të njohura si në Ligën e Parë ashtu edhe në Superligën e Kosovës, duke fituar përvojë të vlefshme dhe duke dëshmuar vazhdimisht potencialin e tij si mesfushor.
Edhe pse ende nuk ka arritur një marrëveshje për vazhdimin e bashkëpunimit me F.C Vjosen, bisedimet mes palëve janë në vazhdim. Në anën tjetër, interesimi nga klubet tjera mbetet serioz, duke e bërë të pasigurt destinacionin e ardhshëm të lojtarit.
E ardhmja e Arbër Mustafës pritet të qartësohet në ditët në vijim, ndërsa kjo periudhë e merkatos verore do të jetë vendimtare për hapin e radhës në karrierën e tij.