Paulo Dybala nga fillimi i sezonit të ardhshëm do të jetë futbollist i skuadrës së udhëhequr nga Jose Mourinho, Roma.
Sulmuesi argjentinas është bashkuar me klubin verdhekuq si transferim i lirë, pasi më 30 qershor i skadoi kontrata si futbollist i Juventus.
Për plot 18 ditë, Dybala ishte pa skuadër dhe shumë ekipe ishin në luftë për të – kryesisht nga Serie A por vazhdimisht përmendej edhe Manchester United.
Inter, Milan, Roma dhe Djajtë e Kuq, ylli argjentinas vendosi që të jetë tashmë ylli në skemën e trajnerit portugez Jose Mourinho.
Gjatë ditës, Dybala do t’i nënshtrohet testeve mjekësore e pastaj do të nënshkruaj kontratën e tij me kampionët e parë të UEFA Conference League.
28-vjeçari me Romën do të ketë kontratë deri në vitin 2025 me mundësi rinovimi edhe për një vit tjetër.
Ndeshja e parë e Dybala me fanellën e Romës do të jetë më datë 23 korrik në miqësoren që do të zhvillohet përballë skuadrës franceze, Nice.