Armand Duka është zgjedhur sërish që të jetë pjesë e Komitetit Ekzekutiv të UEFA-s pas votimeve të bëra në Kongresin që u mbajt në Lisbonë të Portugalisë.
Presidenti i FSHF-së mori 45 vota nga 55 të mundshme, më shumë se të gjithë kandidatët e tjerë. Armand Duka kështu do të jetë pjesë e Ekzekutivit të organit më të lartë të futbollit europian, UEFA dhe për katër vitet të tjera.
Nga Federata e Futbollit e Kosovës në këtë Kongresë ishte i pranishëm u.d sekretari i FFK-së, Taulant Hodaj.
Anëtarët e zgjedhur për Komitetin Ekzekutiv të UEFA-s:
- Jesper Moller Christensen (Danimarkë)
- Philippe Diallo (Francë)
- Armand Duka (Shqipëri)
- Petr Fousek (Çeki)
- Levan Kobiashvili (Gjeorgji)
- Andrii Pavelko (Ukrainë)
- Luis Rubiales (Spanjë)