Dy persona janë arrestuar pasi të njëjtit ishin në kërkim, njëri nga Gjykata Themelore në Mitrovicë e tjetri nga ajo në Pejë.
Siç njofton Policia e Kosovës, njëri nga ta është liruar pasi ka kryer obligimet ndaj gjykatës.
“Policia në Vushtrri, me datën 23.08.2023, ka arrestuar një person për të cilin kishte urdhëresë aktive nga Gjykata Themelore në Mitrovicë- dega në Vushtrri, për veprën penale ‘Uzurpim i paligjshëm i pronës së paluajtshme’. Pas përfundimit të procedurave të nevojshme policore, i dyshuari G.A., 48-vjeçar, është dërguar në Gjykatë, dhe pasi ka kryer obligimet ndaj gjykatës, është liruar”, thuhet në njoftim.
Personi i dytë D.D është arrestuar në Mitrovicë. I njëjti kërkohej për 6 urdhërarreste.
“Arrestimi i personit të dytë D.D., 24-vjeçar është realizuar nga njësitet policore në Mitrovicë, sot me datën 24.08.2023 rreth orës 06:25. Personi i dyshuar në fjalë ka qenë i kërkuar në bazë të gjashtë urdhërarresteve të lëshuara nga Gjykata Themelore në Mitrovicë dhe Gjykata Themelore në Pejë, për veprat penale: ‘Lëndim i rëndë trupor’, ‘Posedim i paautorizuar i substancave narkotike’, ]’Sulm ndaj personit zyrtar’, ‘Vjedhje’ dhe dy vepra ‘Vjedhje e rëndë’”, thuhet në njoftim.
I njëjti do të procedohet në gjykatat kompetente për shqyrtime gjyqësore.