Dy persona janë arrestuar në Prishtinë, nën dyshimet për kanosje dhe sulm fizik ndaj dy viktimave meshkuj kosovarë, duke u shkaktuar lëndime trupore.
Këtë e ka bërë të ditur Policia e Kosovës përmes një njoftimi, ku, ndër të tjera, thuhet se te njëri prej të dyshuarve është gjetur dhe sekuestruar një pistoletë dhe 15 fishekë.
Sipas policisë, të lënduarit kanë pranuar tretman mjekësor, ndërsa të dyshuarit e përfshirë në rast me vendim të prokurorit janë dërguar në mbajtje.
“Prishtinë, 08.08.2023 – 19:02. Pas një mosmarrëveshje në një aksident trafiku, dy të dyshuar meshkuj kosovarë kanë kanosur dhe sulmuar fizikisht dy viktimat meshkuj kosovarë, duke ju shkaktuar lëndime trupore. Gjatë kontrollit tek njëri nga të dyshuarit është gjetur dhe sekuestruar një pistoletë dhe 15 fishekë. Të lënduarit kanë pranuar tretman mjekësor, ndërsa të dyshuarit janë arrestuar dhe pas intervistimit me vendim të prokurorit janë dërguar në mbajtje”, thuhet në raportin e policisë.
Rasti është cilësuar si lëndim i rëndë trupor, armëmbajtje pa leje dhe kanosje.