Policia e Kosovës ka bërë të ditur se janë arrestuar tre persona, një burrë dhe dy gra në Prishtinë, nën dyshimin se janë marrë me prostitucion dhe për armëmbajtje pa leje.
Në raportin 24-orësh thuhet se të dyshuarit kanë kryer veprat penale të lartcekura duke ofruar edhe lokale për kryerje të veprave.
Si prova materiale janë sekuestruar, tre telefona, 80 euro dhe një pistoletë me katër fishekë.
“Janë arrestuar tre të dyshuar, një mashkull dhe dy femra kosovare nën dyshimin se të njëjtit në bashkëveprim/bashkëkryerje kanë kryer veprat penale të lartcekura duke ofruar edhe lokale për kryerje të veprave. Si prova materiale janë sekuestruar: tre telefona, 80€ para, një pistoletë me 4 copë fishekë. Lidhur me rastin të dyshuarit janë intervistuar dhe me vendim të prokurorit dy prej tyre janë dërguar në mbajtje ndërsa e dyshuara tjetër është liruar”, thuhet në raportin 24-orësh.