Në raportin 24-orësh të Policisë së Kosovës njoftohet se janë arrestuar tre persona që ishin shpallur në kërkim.
Arrestimi i personit të parë raportohet të ketë ndodhur në fshatin Begracë të Kaçanikut, dhe mësohet se personi i arrestuar është dërguar në vuajtje të dënimit në burgun e Prishtinës-Hajvali.
“Në bazë të urdhëresës së lëshuar nga gjykata, është arrestuar një mashkull kosovar dhe i njëjti dërgohet në vuajtje të dënimit në burgun e Prishtinës-Hajvali”, thuhet në raportin e Policisë së Kosovës.
Dy persona të shpallur në kërkim janë arrestuar në Han të Elezit dhe janë dërguar në vuajtje të dënimit në burgun e Dubravës.
“Në bazë të urdhëresave të lëshuara nga gjykata, janë arrestuar dy të dyshuar meshkuj kosovarë dhe të njëjtit janë dërguar në vuajtje të dënimit në burgun e Dubravës”, thuhet tutje në raport të Policisë.