Sektori i Hetimeve të Kryeqytetit ka realizuar sot një operacion që lidhet me rastin e personit B.C., 52 vjeç, i cili ishte arrestuar nën dyshimin për kryerjen e tetë rasteve të “Vjedhjeve të Rënda”.
Në bashkëpunim me Prokurorin e Shtetit, hetuesit kanë ushtruar kontroll në një lokacion në Prishtinë, ku dyshohej se i dyshuari kishte fshehur sendet e vjedhura.
Gjatë kontrollit, policia ka gjetur dhe sekuestruar shtatë telefona, njëmbëdhjetë ora dore, stoli, si dhe pajisje të tjera pune dhe teknologjike.
Pas përfundimit të procedurave ligjore, policia ka bërë të ditur se sendet e sekuestruara do t’u kthehen pronarëve të ligjshëm.