Policia e Kosovës ka arrestuar edhe personin e dytë të dyshuar për vrasjen e një personi në Mitrovicën e Jugut më 12 gusht.
I dyshuari për vrasjen e tij me inicialet K.M, sipas Policisë, është 25-vjeçar.
Përmes një komunikate për media, policia ka bërë të ditur se si rrjedhojë e hetimeve lidhur me veprën penale ”vrasje e rëndë”, hetuesit e Sektorit Rajonal të Hetimeve mbi dyshime të bazuar në orët e mesditës së sotme kanë identifikuar dhe arrestuar edhe personin e dytë të dyshuar për përfshirje në veprën penale “vrasje e rëndë”, e ndodhur me datën 12 gusht 2023 në Mitrovicë.
“Me 12.08.2023 rreth orës 17:15 është raportuar se në rrugën e UÇK -së në Mitrovicën e Jugut, një person është gjetur një person pa shenja jete. Në vendin e ngjarjes është identifikuar se personi i pajetë është viktima S. M., 56-vjeçar. Fillimisht rasti është kualifikuar si vdekje e dyshimtë, prokuroi i rastit ka urdhëruar që trupit të viktimës t’ i bëhet autopsia në Institutin e Mjekësisë Ligjore (IML). Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43-vjeçar, shtetas i Republikës së Kosovës”.
Po ashtu, sot, Policia e Kosovës e ka arrestuar një 43-vjeçar, i cili dyshohet për vrasjen e 56-vjeçarit.
I dyshuari për vrasjen e tij me inicialet Xh. N, sipas policisë, është shtetas i Kosovës.
Rasti nga “vdekje e dyshimtë” është rikualifikuar në “vrasje e rëndë”.
“Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43-vjeçar, shtetas i Republikës së Kosovës. Lidhur me rasti në cilësi të provës materiale është konfiskuar vetura e viktimës, e cila është gjetur në posedim te i dyshuari”, thuhet në njoftim.
I dyshuari me vendim të prokurorit është ndaluar për 48 orë.