Policia e Kosovës ka njoftuar se hetuesit policorë të Fushë-Kosovës kanë arrestuar një person të dyshuar, ndaj të cilit janë ngritur dyshimet se ka keqpërdorur besimin brenda një kompanie dhe ka arritur të përvetësojë një shumë parash.
Ky rast është denoncuar dje në polici.
“Ka qenë reagimi i shpejtë i hetuesve, ai që ka rezultuar me arrestimin e personit të dyshuar: V. R., 32 vjeç, mashkull, shtetas i Republikës së Kosovës, të cilit i janë gjetur dhe sekuestruar një shumë e parave”, njofton Policia e Kosovës.
Derisa po vazhdon puna e hetuesve rreth rastit, i dyshuari me vendim të prokurorit të shtetit është dërguar në qendrën e mbajtjes.