Një grua është arrestuar në Podujevë nën dyshimin se ka keqtrajtuar tre fëmijët e saj më 21 janar.
Kështu bëhet e ditur në raportin 24-orësh të Policisë së Kosovës.
Me vendim të prokurorit, e njëjta pas intervistimit është liruar dhe rasti shkon në procedurë të rregullt.
“Është arrestuar e dyshuara femër kosovare nën dyshimin e bazuar se e njëjta ka keqtrajtuar tre fëmijët e saj. Me vendim të prokurorit, pas intervistimit, e dyshuara është liruar dhe rasti shkon në procedurë të rregullt”, thuhet në raport.
Rasti është cilësuar si “Keqtrajtim apo braktisje e fëmijëve”.