Një person është arrestuar në Prishtinë, të enjten rreth orësh 11:00, pasi i njëjti ka bërë shpërndarjen e disa videove me përmbajtje të abuzimit seksual të fëmijëve në rrjetet sociale.
Policia e Kosovës, nëpërmjet raportit 24-orësh, ka njoftuar se i dyshuari është liruar pasi prokurori ka vendosur që rasti të vazhdojë në procedurën e rregullt.
“Është arrestuar i dyshuari mashkull kosovar pasi i njëjti përmes rrjeteve sociale ka shpërndarë disa video me përmbajtje të abuzimit seksual me fëmijë. Me vendim të prokurorit, i dyshuari pas intervistimit është liruar, rasti vazhdon në procedurë të rregullt”, thuhet në njoftimin e Policisë.