Një person nga komuna e Kaçanikut është arrestuar nën dyshimet se ka ushtruar dhunë ndaj bashkëshortes së tij.
Policia e Kosovës njoftoi se i dyshuari është i moshës 37-vjeçare, ku përveç dhunë ndaj bashkëshortes, kishte dëmtuar edhe orenditë e shtëpisë.
“Sot në ora 10:50, Policia e stacionit në Kaçanik ka pranuar një informacion se në rrugën ‘Nevzat Qallaku’ në Kaçanik, ishte një rast i dhunës në familje. Në lidhje me këtë, policët rendit e më pas policët hetues të Njësisë së Dhunës në Familje, menjëherë i kanë marrë veprimet e nevojshme, kanë dalë në vendin e ngjarjes dhe kanë arrestuar personin F.L (M/K) i moshës 37-vjeçar, i cili shkak i një mosmarrëveshjeje kishte shkaktuar dhunë në familje ndaj bashkëshortes së tij dhe kishte dëmtuar dhe demoluar orenditë e shtëpisë”, thuhet në njoftim.
Sipas njoftimit, Policia e ka shoqëruar të dyshuarin në stacionin e Policisë në Kaçanik, ku pas intervistimit nga policët hetues, me vendim të prokurorit, nga Prokuroria Themelore në Ferizaj, është dërguar në mbajtje për 48 orë për procedura të mëtejme hetimore, ndërsa rasti është cilësuar si “Dhunë në familje “.