Është arrestuar i dyshuari, mashkull kosovar, serb, nën dyshimin se ai është përfshirë në krime lufte kundër popullsisë civile në Vushtrri, në vitin 1999.
Raporti 24-orësh i Policisë së Kosovës bën të ditur se arrestimi ishte bazuar në shkresat e lëndës, deklaratat e dëshmitarëve dhe informacionet në rrugët operative.
“Vushtrri 1999-NN. Bazuar në shkresat e lëndës, deklaratave të dëshmitarëve, informacioneve në rrugët operative, është arrestuar i dyshuari, mashkull kosovar, serb, nën dyshimin për përfshirje në rastin në fjalë”, thuhet në njoftim.
Krahas kësaj, bëhet e ditur se i dyshuari me vendim të prokurorit special, është dërguar në mbajtje.