Policia e Kosovës ka arrestuar një person nga Shqipëria në Prizren, nën dyshimin se ka kryer veprën penale “tentim-dhunimi”.
Sipas raportit 24-orësh të Policisë, rasti ka ndodhur të premten më 21 korrik.
Rreth orës 17:00, një grua shtetase e Shqipërisë ka raportuar se një grua po nga Shqipëria është sulmuar seksualisht dhe tentuar të dhunohet nga i dyshuari shtetas i Shqipërisë.
I dyshuari shqiptar është dërguar në mbajtje, ndërsa ndaj tij është iniciuar rasti “tentim-dhunimi”.
“Ankuesja femër shtetase e Shqipërisë ka raportuar se viktima femër, po ashtu, shtetase e Shqipërisë, ishte sulmuar seksualisht dhe tentuar të dhunohet nga i dyshuari mashkull shtetas i Shqipërisë. Viktima është dërguar për ekzaminim mjekësor në spitalin rajonal Prizren, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në njoftimin e Policisë.
Ndërkaq, sipas njoftimit nga Policia e Kosovës, tashmë rasti është duke u hetuar.