Rreth orës 12, në ditë vikendi në Vlorë, në një vendparkim kishte ndodhur një problem në zonën e plazhit pranë Ujit të Ftohtë që kishte shkaktuar panikë te pushuesit, të cilët në sezonin turistik janë të shumtë.
Një burrë, identiteti i të cilit ende nuk bëhet i ditur, nxori armën e zjarrit që mbante me vete dhe qëlloi në ajër.
Pas ngjarjes, autori ishte larguar me shpejtësi, por Policia e shtetit kishte qenë në krye të detyrës dhe ka arritur që ta kapë disa minuta më vonë.
Ngjarja e rëndë është filmuar nga turistët të cilët kishin qenë të pranishëm. Nga filmimi që e kanë dërguar në redaksinë e Top Channel shihet ky shtetas me armë në dorë, ndërsa një burrë tjetër përpiqet të qetësojë situatën dhe e mban autorin nga krahu.