Platforma “Liria ka emër” u ka bërë thirrje të gjithë qytetarëve që të marrin pjesë në marshin për drejtësi, të quajtur “Marshojmë për drejtësi”, i cili është në solidarizim dhe mbështetje të ish-krerëve të UÇK-së, do të mbahet të dielën e 2 prillit nga ora 14:00 në sheshin “Zahir Pajaziti” në Prishtinë.
Ky marsh po gjen përkrahje nga shumë njerëz, në mesin e tyre edhe figura publike. Së fundmi, në mesin e tyre janë reperët e njohur si Don Xhoni e Mozzik.
Reperi Don Xhoni përmes një postimi ka shpërndarë njoftimin e marshit që do të mbahet gjatë kësaj të diele.
Derisa të njëjtin veprim e ka bërë dhe reperi tjetër Mozzik, i cili përmes një postimi ka shpërndarë njoftimin e marshit “Marshojmë për Drejtësi” duke shtuar se “edhe unë jam aty”.
Këtë marsh e kanë përkrahur edhe shumë këngëtarë të tjerë si Melinda Ademi, Asim Gashi Leonora Jakupi, Ermal Fejzullahu, Yll Limani, Shyhrete Behluli etj.