18 subjekte janë përzgjedhur nga Departamenti për Menaxhimin e Mbledhjes së Borxheve në kuadër të Administratës Tatimore të Kosovës, me obligime të papaguara në vlerë prej 1.8 milion euro.
Vlera totale e paguar përgjatë ditës së premte ka qenë 416,250.18 euro ose rreth gjysmë milioni euro, bën të ditur Administrata Tatimore e Kosovës.
Ndërkaq, pjesa tjetër e borxheve të këtyre bizneseve pritet të inkasohet bazuar në marrëveshjet e reja të lidhura për pagesën e obligimeve tatimore me këste, si dhe njëherësh, bazuar në marrëveshjet e riprogramuara për bizneset të cilat nuk u janë përmbajtur marrëveshjeve paraprake.
“Menaxhmenti i ATK-së vazhdon ta ketë në prioritet zvogëlimin e stokut të borxheve, si dhe trajtimin në kohë të borxheve të reja”, ka shkruar Administrata Tatimore e Kosovës.