Artisti dhe krijuesi i njohur Avni Qahili është emëruar drejtor i ri i institucionit nacional Muzeu i Arteve Bashkëkohore në Republikën e Maqedonisë së Veriut, duke u bërë drejtori i parë shqiptar në krye të këtij institucioni elitar.
Ky muze konsiderohet një nga qendrat më të rëndësishme të artit në vend, me ndikim të gjerë në jetën kulturore dhe ekspozitat bashkëkohore në nivel kombëtar dhe ndërkombëtar.
Emërimi i Qahilit përfaqëson një hap të rëndësishëm për përfaqësimin dhe përfshirjen kulturore të artistëve shqiptarë në institucionet e rëndësishme të shtetit.
Si krijues me përvojë të gjatë në media, muzikë dhe art, Avni Qahili pritet të sjellë një frymë të re menaxhimi dhe vizioni për ta bërë muzeun një hapësirë të hapur për artistë shqiptarë nga Maqedonia e Veriut, rajoni dhe diaspora.
Synimi i tij është të krijojë ura bashkëpunimi mes skenave të ndryshme artistike dhe të promovojë vlerat bashkëkohore të kulturës shqiptare në kuadër të një institucioni kombëtar.
Emërimi është pritur pozitivisht nga komuniteti kulturor dhe nga vetë artistët, të cilët e shohin këtë si një mundësi për rritje të përfaqësimit dhe për integrim më të plotë në skenën kulturore të vendit.
View this post on Instagram