Avokati i të dyshuarës, e cila u raportua në nëntor të vitit të kaluar se keqtrajtoi një të moshuar në shtëpinë e të moshuarve “Orenda” në Pejë, ka thënë se Aurona Pelaj gjendet në Kosovë dhe nuk ka shkuar në Gjermani.
Veton Berisha avokat i Pelajt, ka thënë për RTV Dukagjinin, se nuk qëndron deklarata që mëngjesin e të premtes e ka dhënë avokati i të moshuarës, Meshar Selimaj.
“Nuk ka shkuar në Gjermani, këtu është. Deklarata e avokatit të familjes nuk qëndron”, ka deklaruar ai.
Ndryshe, një reagim i tillë i Berishës erdhi pasi Selimaj në Euronews Albania u shpreh se Pelaj mund të gjendet në Gjermani dhe Prokuroria nuk i ka kryer ende hetimet lidhur me rastin e saj.
Avokati Selimaj: E dyshuara që keqtrajtoi të moshuarën në Pejë mund të ketë ikur në Gjermani