Avokati, Armend Shkoza, ka theksuar se modeli i Gjermanisë për Asociacionin e Komunave me Shumicë Serbe, është në kundërshtim me Kushtetutën e Kosovës.
Kjo, sipas tij, për shkak se një Asociacion i tillë do të jetë monoetnik, i cili përbëhet nga dhjetë komuna të gjitha me shumicë të popullatës serbe.
“E shkel kushtetutën. Kemi të bëjmë me një entitet monoetnik, vetinicimi i themelimit të këtij entiteti juridik përbëhet prej 10 komunash që identifikohen me shumicë serbe. Kemi probleme me emërtime i referohet vetëm një etnie”, ka thënë Shkoza.
Tashmë, sipas avokatit Shkoza, nuk kemi të bëjmë me një organizatë joqeveritare. Asociacioni, sipas tij, është më shumë se aq.
Një lloj i tillë i Asociacionit, siç ka thënë Shkoza, nuk ka shumë dallim me atë që është nënshkruar në Bruksel në vitin 2013 dhe në dokumentin implementues të datës 25 gusht 2015.
I vetmi dallim, sipas tij, është “pjesa sqaruese në raport me kontrollin kushtetues të statusit dhe akteve që nxjerrët”, siç e i ka quajtur ai “nga aktet e zajednicës”.
“I vetmi dallim, i cili sipas meje, është trik balancues juridik, është kur flasin për të drejtën e qeverisëm, duke e kontestuar statutin pranë gjykatës kushtetuese”, ka thënë ai.