Ballkani do ta mbyll të enjten sfidën e fundit në Ligën e Konferencës, që do të përballet me ekipin CFR Cluj.
Kampioni i Kosovës është skuadra e parë që arrin deri në këtë fazë të garave evropiane.
Kjo ndeshje do të zhvillohet nga ora 18:45 në stadiumin “Constantin Radulescu”.
Në një konferencë për media para ndeshjes, trajneri Ilir Daja dhe mbrojtësi Armend Thaqi kanë deklaruar se përkundër faktit se tashmë janë pa gjasa, skuadra do të kërkojë fitore në këtë ndeshje për ta mbyllur aventurën evropiane në mënyrën më të mirë të mundshme.
Në anën tjetër, Cluj do të kërkoj fitore ndaj Ballkanit, pasi një fitore e sotme do ta dërgojë Cluj në fazën tjetër të garës.