Shtëpia botuese “Dukagjini” ka njoftuar se edhe këtë vit bashkëpunimi me botuesin arsimor britanik “Pearson Education”, është vlerësuar pozitivisht dhe aprovuar nga Ministria e Arsimit për përdorimin e teksteve të gjuhës angleze në sistemin arsimor të Kosovës.
“Edhe këtë vit, bashkëpunimi i shtëpisë botuese “Dukagjini” me “Pearson Education” është vlerësuar pozitivisht dhe është aprovuar nga MAShTI për përdorimin e teksteve të gjuhës angleze në sistemin arsimor të Republikës së Kosovës”, thuhet në njoftimin e “Dukagjinit”.
Ndër të tjera thuhet se botuesi arsimor britanik “Pearson”-i ka kontribuuar në aspekte të ndryshme të arsimit, duke përfshirë zhvillimin dhe shpërndarjen e materialeve arsimore, shfrytëzimin e teknologjisë “në procesin e të mësuarit – si inovator në digjitalizimin e teksteve shkollore dhe materialeve të tjera didaktike – procesin e vlerësimit, si dhe mbështetjen e pakusht për mësimdhënësit kosovarë”.
