Bashkimi Evropian ka theksuar nevojën urgjente për formimin e institucioneve të reja në Kosovë, duke e cilësuar këtë si një hap kyç në rrugën drejt integrimit evropian dhe zbatimit të reformave të nevojshme.
Zëdhënësi i BE-së për Zgjerim, Guillaume Mercier, tha se vonesat në konstituimin e institucioneve mund të ndikojnë negativisht në proceset që janë të rëndësishme për të ardhmen e vendit. Ai shtoi se funksionalizimi i Kuvendit është gjithashtu vendimtar për përfitimin nga Plani i Rritjes i propozuar nga BE-ja.
“Ajo që mund të them është se është në interes të Kosovës që me shpejtësi t’i formojë institucionet, gjë që është shumë e rëndësishme në përmbushjen e reformave evropiane dhe lëvizjen përpara në këtë rrugë. Është gjithashtu e rëndësishme për çështje të tjera, si Plani i Rritjes, siç e dini duhet që Parlamenti i Kosovës të jetë i konstituar për të vazhduar punën në këtë drejtim”, deklaroi Guillaume Mercier – Zëdhënës i BE-së për Zgjerim.