Zëdhënësi i Bashkimit Evropian, Anouar El Anouni, ka deklaruar se BE-ja nuk sheh asnjë shenjë konkrete që Rusia po angazhohet seriozisht për të siguruar paqen në Ukrainë, duke reaguar pas raundit të fundit të bisedimeve në Gjenevë.
“Vërejmë se Rusia vazhdon sulmet e saj të pandërprera ndaj Ukrainës. Kjo tregon se Rusia nuk është e gatshme për paqe. Akoma nuk shohim shenja konkrete të një angazhimi serioz për paqe. Edhe këtë javë, përpara bisedimeve për paqen, Ukraina u godit nga një sulm i madh me raketa dhe dronë, sipas autoriteteve ukrainase. Deri sa të vazhdojë kjo gjakderdhje, ne do të ushtrojmë presion ndaj Rusisë”, deklaroi El Anouni.
Ai shtoi gjithashtu se “asgjë nuk mund të vendoset për Ukrainën pa Evropën në tryezën e bisedimeve”, raporto The Guardian.
BE-ja konfirmoi gjithashtu se në bisedime janë përfshirë këshilltarë për sigurinë kombëtare nga Franca, Gjermania, Italia dhe Britania e Madhe.