Ish-këshilltari i presidentit Hashim Thaçi, Artan Behrami, i cili është bastisur gjatë ditës së martë të datës 31 tetor nga Dhomat Specializuara në Hagë, ka reaguar pasi ish-kolegu i tij, Ismail Syla, është bastisur nga Prokuroria Speciale e Hagës gjatë ditës se sotme.
“Bastisja e sotme në shtëpinë e tij po bëhet me të njëjtën logjikë fashiste!”, kështu e ka vlerësuar Behrami punën e Gjykatës Speciale.
Më tej, ai ka treguar se si kolegu i tij kishte vuajtur dënimin në burgje të Serbisë si i burgosur politik.
“Ismail Syla gjithmonë ka thyer ligjet e Serbisë. Dhe mirë ka bërë!”, ka thënë ai.
“Si 20-vjeçar, Ismail Syla ishte burgosur nga Serbia, duke e mbajtur të mbyllur për më shumë se 8 vjet”, ka përfunduar Behrami.