Deputeti i PDK-së, Hajdar Beqaj, i ka komentuar përplasjet mes deputetëve dhe të ministres së Drejtësisë, Albulena Haxhiu, në Kuvendin e Kosovës, për rastin e Astrit Deharit.
Beqaj ka thënë se ministrja Haxhiu u soll sikurse të kishte faj. Sipas tij, goditja e tavolinës nga ajo tregon se në një formë e ka pranuar fajin për humbjen e mostrave të Astrit Deharit.
“Sjellja e ministres Drejtësisë ishte si në faj, se kur një ministre i bie tavolinës, atëherë njëfarë formë e pranon fajësinë, sepse nuk ka argumente. Më ligjet e Kosovës dhe me kodin penal ka përgjegjësi për veprim dhe mosveprim, ka përgjegjësi për nxitje e shtytje. Megjithatë nuk kisha dashur të flasim për këtë çështje sepse do t’ia lëmë organeve përkatëse”, ka thënë ai.
Beqaj pati ende kritika për minsitren Haxhiu, duke e përmendur rastin kur ajo i ka thënë një prokurori “dorëzohu”
“Ka humbur kontrollin kjo Qeveri, e kemi parë ministren që thotë prokuror ‘dorëzohu’, cili është mesazhi për këtë që më të vërtetë me pas rend e ligj e me pas reformë në drejtësi, kjo nuk ka ndodhur në Kosovë që një ministre e Drejtësisë më i thënë një prokurori apo gjyqtari ‘dorëzohu’, as nuk ndodh edhe nuk duhet më ndodh, edhe pavarësisht se çka ka pretenduar të thotë, ajo duhet të japë dorëheqje vetëm për këtë”, ka thënë Beqaj.
Ajo ka thënë se ministrja e Drejtësisë po tregon shembull negativ.