Policia e Kosovës ka publikuar statistikat nga raporti i fundit 24-orësh, ku bëhet e ditur për një numër të konsiderueshëm aksidentesh dhe veprimesh policore në gjithë vendin.
Sipas të dhënave zyrtare, gjatë 24 orëve të fundit është shënuar një aksident trafiku me fatalitet, ndërsa 13 aksidente të tjera kanë përfunduar me persona të lënduar. Po ashtu, janë regjistruar edhe 51 aksidente me dëme materiale.
Në aspektin e sigurisë rrugore, policia ka shqiptuar gjithsej 2,411 tiketa trafiku për shkelje të ndryshme.
Ndërkohë, 17 persona janë arrestuar, 8 janë dërguar në mbajtje, ndërsa një person është dërguar në vuajtje të dënimit. Nuk është raportuar asnjë rast i ndalimit policor gjatë kësaj periudhe.
Autoritetet bëjnë thirrje për kujdes të shtuar në trafik dhe respektim të rregullave për të parandaluar aksidentet dhe për të rritur sigurinë publike.
