Me rezultat të ngushtë, ekipi nga Danimarka, Copenhagen (CPH), e ka mposhtur ekipin nga Kosova, Bad News Eagle (BNE).
Edhe pse në fillim të lojës ishin BNE që po e dominonin lojën në epërsi 7:1, por rundi në tërësi përfundoi në të mirë të danezëve me rezultat të ngushtë 16:14.
Edhe pse kanë humbur në këtë lojë, BNE ende ka shpresa për kualifikim në lojët e ardhshme.
Djemtë nga Kosova, kishin luajtur edhe më parë me ekipin danez, të cilin e kishin mundur tri herë radhazi. Por, në ndeshjen e së shtunës, djemtë tanë nuk kishin fat edhe pse e luajtën një lojë mjaft të mirë.
Pas kualifikimit në “Legends Stage”, gara bëhet edhe më e ashpër pas,i siç dihet në këtë fazë të lojës, kualifikohen ekipet më të mira nga e gjithë bota.
Në rast të tri fitoreve ekipi nga Kosova do të kalojë në fazën tjetër, ndërsa në rast se humbin tri ndeshjet e radhës do të eliminohen nga gara.
Përballja e radhës për BNE do të zhvillohet rreth orës 17:00 – 18:00.