Borrell për tensionet në veri: Dhuna nuk është rruga e duhur, kryesit e saj të vihen para drejtësisë

Në një deklaratë para mediave, Borrelli ka theksuar se kryesit e dhunës duhet të vihen para drejtësisë, duke bërë thirrje të shmanget çfarëdo lloj përshkallëzimi

Përfaqësuesi i lartë i Bashkimit Evropian, Josep Borrell, teksa ka komentuar tensionet në veri, ka thënë se dhuna nuk është rruga e duhur për të zgjidhur një çështje, dhe sipas tij e njëjta duhet të ndëshkohet.

Një një deklaratë para mediave, Borrell ka theksuar se kryesit e dhunës duhet të vihen para drejtësisë.

Po ashtu, bëri thirrje të shmanget çfarëdo lloj përshkallëzimi.

“Ne duhet të insistojmë se dhuna nuk është rruga e duhur, dhuna duhet të ndëshkohet dhe kryesit e kësaj dhune duhet të vihen para drejtësisë. Pra, duhet të shmanget çfarëdo lloj përshkallëzimi dhe lëvizje të pakoordinuara”, ka thënë Borrell gjatë hyrjes në samitin e liderëve evropianë që do të mbahet në Kishinau të Moldavisë.

Përfaqësuesi i BE-së ka thënë se shpreson që këtë të enjte do të ketë një takim me presidentin e Serbisë, Aleksandër Vuçiq.

Një ditë më parë ai është takuar me kryeministrin e Kosovës, Albin Kurti.

Me anë të postimi në Twitter, Borrell ka theksuar nevojën për depërshkallëzimin urgjent dhe një zgjidhje përmes dialogut për t’iu rikthyer punës për zbatimin e Marrëveshjes së arritur.

“Takova kryeministrin Albin Kurti në Bratislavë për të diskutuar tensionet në veri të Kosovës. Situata aktuale është e rrezikshme dhe e paqëndrueshme. Ne kemi nevojë për depërshkallëzimin urgjent dhe një zgjidhje përmes dialogut për t’iu rikthyer punës sonë për zbatimin e Marrëveshjes së arritur”, ka shkruar Borrell.

Ndryshe, kryeministri i Kosovës, Albin Kurti, ka thënë se në takim me përfaqësuesin e lartë të BE-së për Politikë të Jashtme, Josep Borrell dhe me emisarin për dialogun Kosovë – Serbi, Miroslav Lajçak në Bratisllavë u ka bërë me dije atyre se “do të kishte pasur mirëkuptim, nëse protesta e serbëve në veri do të ishte paqësore”.

“Bisedova me Borrellin e Lajçakun. Unë iu thashë atyre se po të kishte protestë paqësore për zgjedhje të parakohshme, do ta kishin mirëkuptimin tim. Por jo mafiozë me shkronjën Z që shtien në drejtim të ushtarëve e policëve, hedhin granate e thërrasin “Vrisni”, “Vrisni”. Këtyre grupacioneve fashiste, ne nuk ua dorëzojmë republikën tonë demokratike. “Nëse duan protestë paqësore, me kërkesë për zgjedhje të parakohshme, atëherë e kanë kryeministrin e tyre që tërë jetën ka qenë aktivist politik dhe shumë është i gatshëm që t’i dëgjojë, e ndoshta edhe të pajtohet me ta”, ka thënë Kurti.

Ai përsëriti se nuk do të dorëzohet republika demokratike në duart e fashistëve.

Borrell pas takimit me Kurtin: Situata aktuale është e rrezikshme dhe e paqëndrueshme, nevojitet depërshkallëzimi urgjent

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika