“Nga data 21 nëntor është detyrë e të gjithëve të rezistojnë në çdo hap! Brigada Sever[Brigada e Veriut]”, është mesazhi i tyre për serbët lokal, njëherit edhe paralajmërim për rezistencë të institucioneve në veriut të vendit.
Vendim i Qeverisë së Republikës së Kosovës për ndalimin nga qarkullimi të targave të paligjshme “KM”, e ka polarizuar situatën në veri të Kosovës, ku serbët lokal i kanë bojkotuar institucionet e Kosovës, mirëpo nuk ka eskaluar dhe as nuk janë shënuar incidente në teren, përveç disa makinave të djegura të cilat kanë konvertuar targat në harmoni me vendimin e qeverisë.
Por, nga 21 nëntori rendi dhe ligji në Kosovë është në ”rrezik” nga “Brigada e Veriut”, një grup misteriozë në Veri të Kosovës, i cili ka bërë thirrje për rezistencë ndaj Qeverisë së Kosovës.
Të dielën e 13 nëntorit në mëngjes u panë grafitë të reja për “Brigadën e Veriut” në pjesë të ndryshme të qytetit në veri.
Shkronjat me ngjyrë të kuqe, blu dhe të bardhë (që e simbolizon ngjyrën e flamirit serb) janë të dukshme pranë monumentit të Princit Llazar, në pjesën e sipërme të shëtitores kryesore dhe një pjesë të rrugës kryesore në veri të Mitrovicës.
Faqja e cila ka qenë joaktive në postimet e saj që nga fillimi i shtatorit “Jo dorëzim, KM mbetet” , ka publikuar grafite të reja.
Herën e fundit që grafiti për brigadën u vulos në mes dhe në fund të gushtit “Mos u shqetëso, ne jemi këtu – Brigada Veriore” dhe “NATO GO HOME”, “Kjo është Serbia” dhe “Brigada e Veriut po rritet dita-ditës”.
Serbët në Veri shkruajnë grafite me mbishkrimin, “Mos u brengosni, këtu jemi”