Zëdhënësi i Policisë për rajonin e Gjakovës, Sheremet Elezaj, ka dhënë detaje lidhur me vrasjen që ndodhi mëngjesin e së hënës në Gjakovë.
Ai ka konfirmuar se në vendin e ngjarjes janë gjetur disa gëzhoja të armës së zjarrit dhe një armë e ftohtë.
Aktualisht, hetimet janë në fazë fillestare dhe po mblidhen dhe verifikohen dëshmitë.
Sa i përket personit të dyshuar, Elezaj ka deklaruar se dorasi është i njohur për policinë, por nuk ka dhënë detaje shtesë mbi motivet e ngjarjes.
Policia ka kërkuar mirëkuptimin e publikut që informacioni i ndarë të mbetet i kufizuar, ndërsa hetimet vazhdojnë për identifikimin dhe arrestimin e të dyshuarit.
“Atë që mund të ndajmë tash, në vendin e ngjarjes janë gjetur disa gëzhoja të armës së zjarrit edhe një armë e ftoftë, kjo është e gjitha që mund të ndajmë aktualisht me publikun pasi jemi në fazën fillestare të hetimit, jemi në mbledhjen e dëshmimeve dhe verifikimin dëshmimeve. Në këtë fazë kërkojë mirëkuptimin të mbesin vetëm këto informata që ndava deri tash. Dorasi për Policinë e rajonit të Gjakovës është i njohur, ne e njohim kjo sa i përket të dyshuarit”, ka deklaruar Elezaj në konferencë për media.