Në Debat Plus sekretarja e PDK-së, Vlora Çitaku, ka vlerësuar vitin 2025 si një vit të humbur për Kosovën, duke kritikuar ashpër drejtuesit e institucioneve për moskujdes ndaj qytetarëve.
Çitaku theksoi se pensionistët po përballen me vështirësi të mëdha ekonomike.
Ndërkaq, sipas saj, të rinjtë e Kosovës nuk gjejnë mundësi për të realizuar potencialin dhe ambiciet e tyre në vendin e tyre.
“Jemi në vitin 2025, ky ka qenë fatkeqësisht një vit i humbur për Kosovën. Qytetarët e Kosovës kanë përjetuar një përbuzje totale nga ana e bartësve të institucioneve të Kosovës. Sot një pensionistë e ka vështirë të kalojë muajin. Ai duhet të zgjedh mes barnave dhe pagesës së faturës së energjisë elektrike, se me atë pension nuk i përballon të dyjat. Sot të rinjtë e Kosovës, nuk e shohin në Kosovë vendin ku mund të realizojnë potencialin e tyre. Është e dhimbshme që 20-vjeçarët sot i kanë ambiciet shumë më të vogla, ose realizmin e ambicieve nuk e kanë në Kosovë…”, ka thënë Çitaku.