Deputetja e PDK-së, Vlora Çitaku ka hedhur dyshime për veprimtarinë e koordinatore për komitetin në Lëvizjen Vetëvendosje, Dejona Mihali.
Çitaku, në “Five”, tha se ka shumë pikëpyetje se si asaj i është dhënë nënshtetësia e Kosovës, sipas saj pa u ditur procedurat.
“Këtu bëhet fjalë për një person i cili para pak vitesh ka qenë person nongrata dhe një grua që ka pushtet të frikshëm brenda strukturave dhe VV-së dhe që asnjëherë nuk ka kaluar në filtrin e votës në Kosovë. Sikurse që është me pikëpyetjeje si një njeriu të tillë i është dhënë shtetësia, me çfarë procedure, situatë të ngjashme kemi pas edhe për Martin Berishajn me një shpejtësi si kish me thënë zëvendësministri të vajit në tepsi i është dhënë nënshtetësia dhe i është dhënë certifikata e sigurisë, këto në vetvete janë skandale për të mos thënë që kemi pa një agresivitet në përmasa histerie të kryeministrit për t’i dalë në mbrojtje Martinit, Nagipit e Rozetës”, ka thënë ajo.