Përmes publikimit të përditshëm të çmimeve tavan për derivate, MINT ka bërë të ditur se çmimi i naftës për litër të dielën do të jetë një euro e 69 centë.
Çmimi i naftës ka rënë për një cent, ndërsa përgjatë të shtunës, ky çmim ishte një euro e 70 centë.
Ministria e Industrisë, Ndërmarrësisë dhe Tregtisë (MINT) ka njoftuar se çmimi maksimal i lejuar i benzinës përgjatë të dielës do të jetë një euro e 35 centë për litër, i njëjti çmim i cili ishte valid edhe përgjatë të shtunës.
Çmimi i gazit të dielën, gjithashtu, mbetet i njëjtë 76 centë sikurse përgjatë ditës së shtunë.
Ndërkaq, çmimet mbeten valide për 48 orët e ardhshme nga momenti i publikimit të tyre.