Çmimi i naftës dhe benzinës bie për një cent

Krahasuar me të enjten e 1 shtatorit, të premten e 2 shtatorit, nafta dhe benzina janë liruar për një cent, ndërsa gazi ka mbetur me çmim të njëjtë

Ilustrim

Ministria e Industrisë, Ndërmarrësisë dhe Tregtisë (MINT) i ka publikuar çmimet maksimale apo “tavan” të naftës dhe derivateve të tjera për 24 orët e ditës së premte të 2 shtatorit.

Nga 1.79 për litër sa ishte të enjten, çmimi i naftës për ditën e premte është liruar për një cent, 1.78 euro.

Po ashtu, edhe çmimi i benzinës është liruar për një cent, e që të premten raportohet të jetë 1.43 euro për litër.

Ndërkaq, çmimi i gazit ka mbetur i njëjtë, 0.76 centë për litër.

Njoftimi nga MINT

 

Ndryshe, të mërkurën e 31 gushtit, MINT-i ka vendosur masa mbrojtëse për produktet e derivateve të naftës.

Duke u bazuar në vendimin e marrë, marzha tregtare maksimale e lejuar me shumicë është dy centë për litër, ndërsa çmimi maksimal i lejuar i shitjes me pakicë është 12 centë për litër naftë.

Në këtë vendim thuhet se Ministria e Industrisë ka monitoruar tregun e produkteve të naftës dhe çmimet e furnizimit nga importi.

Në bazë të raportit të Inspektoratit të Tregut, është evidentuar mospërputhja e çmimeve në Kosovë në krahasim me lëvizjet në tregjet botërore.

Vendimi i Ministrisë së Industrisë, Ndërmarrësisë dhe Tregtisë do të hyjë në fuqi për 30 ditë.

Në muajin qershor të këtij viti, Qeveria e Kosovës ka marrë vendim për caktimin e çmimit tavan vetëm për derivate të naftës, i cili ishte përcaktuar çdo 24 orë.

Shija e redaktorit

Klinika e Onkologjisë dhe Emergjenca e QKUK-së përfitojnë donacion pajisjesh...

Klinika e Onkologjisë dhe shërbimi i Emergjencës në Qendrën Klinike Universitare të Kosovës kanë pranuar një donacion të ri pajisjesh mjekësore nga organizata joqeveritare...

Librat e verës nga “Dukagjini”, zgjedhjet më të mira për...

Vera është koha ideale për aventura, por jo të gjitha ndodhin jashtë. Disa nga udhëtimet më të paharrueshme ndodhin brenda faqeve të një libri....

Shtëpia botuese “Dukagjini” propozon 9 libra që mund t’ju shoqërojnë...

Vera nuk është vetëm koha e pushimeve, por edhe e rikthimit te vetja. Në këtë periudhë kur ditët janë më të gjata e ritmi...

Të fundit nga rubrika