Llapi fitoi në fushën e gjelbër 1-0 ndaj Drenicës, por mund t’i humbasë pikët në tavolinë.
Kështu ka bërë të ditur Taulant Dajaku – në emisionin “Dueli Sportiv”, për shkak se skuadra nga Podujeva sipas tij ka pasur shtatë lojtarë të huaj të regjistruar dhe jo vetëm kaq.
“Nëse një skuadër regjistron shtatë futbollistë me nënshtetësi të huaj, maksimumi i lejuar është gjashtë. Çdo ndeshje që ajo skuadër e realizon ose e zhvillon e humbet ndeshjen”, tha ai.
Dajaku po ashtu shtoi se “lojtari brazilian që është i regjistruar te klubi futbollistik Llapi e ka edhe një regjistrim aktiv edhe në Brazil, që i bie sipas rregullores, atëherë Araujo është në të dyja klubet”.
“Dueli Sportiv” do të vazhdojë çdo të diel, me fillim nga ora 22:00.
Përveç sportit vendor, po ashtu, do të ketë edhe shumë risi të tjera nga sporti ndërkombëtar dhe jo vetëm.
Ekskluzive: Dajaku jep dorëheqje nga posti i drejtorit sportiv të Drenicës