Dardan Gashi e ka cilësuar pozitën e shtetit gjerman si një ndërmjetsues neutral, pasi, e ka përkrahur Kosovën për një marrëveshje gjithëpërfshirëse ku kancelari gjerman, kishte kërkuar që një ndër pikat e kësaj marrëveshjeje të jetë edhe njohja e Kosovës nga Serbia.
Por, gjithashtu ai e ka përkrahur kërkesën e Serbisë për zbatimin e marrëveshjeve të vitit 2013-të, të cilat ishin nënshkuar në Bruksel nga përfaqësuesit e Kosovës dhe Serbisë me ndërmjetsimin nga Bashkimi Evropian ku për qëllim është themelimi asociacionit të komunave me shumicë serbe në Kosovë.
Ai ka thënë se dialogu nuk është fontanë dëshirash, që të shprehin se çka do të realizojnë apo nuk do të realizojnë, ai ka rikujtuar se Kosova ka nënshkruar disa marrëveshje.
“Kosova ka marrë obiligime sa i përket marrëveshjeve të vitit 2013-të dhe më të hershme, ndërsa Shtetet e Bashkuara të Amerikës edhe Gjermania do të insitojnë që këto marrëveshje të zbatohen në teren dhe pastaj të bëhet njohja reciproke”, ka thënë Dardan Gashi në DebatPlus.
Sipas Gashit në dialogun Kosovë-Serbi nga pala ndërmjetsuëse ka sheqer, karrotë por gjithashtu ka edhe shkop.