Të mërkurën e 10 gushtit, Raporti i Qendrës Kombëtare për Menaxhim Kufitar, ka njoftuar për kolonat dhe pritjet e gjata në pikat kufitare, të cilat bëjnë lidhjen mes Kosovës dhe Serbisë.
Pritjet më të gjata janë regjistruar në pikën kufitare në Merdarë.
Në hyrje të pikës kufitare në Merdarë, pritjet janë nga 5-10 minuta, kurse në dalje të kësaj pike kufitare, pritjet janë të gjata. Ato raportohen të jenë 50 deri në 60 minuta.
Ndryshe nga kjo pikë kufitare, në Dheun e Bardhë, pritja në hyrje është 5 minuta, kurse në dalje deri në 20 minuta.
Ndërkaq kolona e automjeteve në dalje është deri në 70 metra.
Sa i përket pikave të tjera kufitare pritjet nuk janë të gjata.
Po ashtu, nuk raportohet të ketë kolonë të gjatë të automjeteve.
