Gjykata Speciale ka njoftuar se më 15 shtator, mbrojtja e ish-presidentit Hashim Thaçi do të nisë paraqitjen e provave para Dhomave të Specializuara, duke thirrur dëshmitarin e parë.
Seanca do të hapet në orën 09:00 dhe pritet të jetë kryesisht publike.
Në njoftim thuhet se për shkak të interesimit të madh për këtë seancë, ata që duan ta ndjekin nga galeria për publikun në mjediset e gjykatës në Hagë, duhet të regjistrohen paraprakisht.
“Për t’u regjistruar paraprakisht, dërgoni një mesazh elektronik (email) në adresën [email protected]. Ju lutem mbani parasysh se vendi juaj konfirmohet vetëm pasi të keni marrë konfirmimin me email. Mesazhet elektronike të konfirmimit do të dërgohen jo më vonë se 11 shtatori 2025”, thuhet në njoftim.
