Një zjarr i madh ka shpërthyer të shtunën pasdite në Shtime, në rrethana ende të paqarta, duke shkaktuar asfiksimin e dhjetë personave.
Policia ka njoftuar se viktimave u është ofruar ndihmë mjekësore në vendngjarje, ndërsa tre prej tyre janë dërguar për trajtim të mëtejshëm në qendrën emergjente në Ferizaj.
Përveç pasojave në shëndetin e personave, nga zjarri janë djegur dy vetura si dhe disa mjete pune, pronë e dy qytetarëve. Dëmet materiale vlerësohen të konsiderueshme.
Autoritetet kanë konfirmuar se rasti është nën hetim, ndërsa lidhur me ngjarjen është njoftuar edhe prokurori i shtetit.