Një adoleshent i armatosur ka hapur zjarr në një supermarket në Buffalo, New York, të shtunën e 14 majit. Si pasojë e këtij sulmi, kanë mbetur të vrarë dhjetë persona, ndërsa tre të tjerë të plagosur.
Autoritetet në Buffalo kanë thënë se të shtënat masive ishin me motive racore.
I dyshuari raportohet se kishte udhëtuar për disa orë për të arritur në Buffalo, ku jeton komuniteti i madh i afroamerikanve. Ai ishte futur në një supermarket, të quajtur “Tops”, ku edhe ka hapur zjarr.
Sulmuesi është identifikuar si Payton Gendron, 18-vjeçar nga Conklin, i cili është gjykuar të shtunën në mbrëmje përpara gjykatësit në Gjykatën e qytetit Buffalo, Craig Hannah, me një akuzë për vrasje të shkallës së parë.
Për këtë sulm, i dyshuari ka përdorur edhe një kamerë për transmetim live në internet.
Oficerët e policisë në vendngjarje pas të shtënave masive në një dyqan ushqimor Tops në Buffalo të New York
Federata e Bjeshkatarisë dhe Ngjitjes Sportive të Kosovës (FBNSK) shënon një moment historik duke pritur për herë të parë në Kosovë Asamblenë e Përgjithshme...
