Dhuna në Kuvend, Zemaj: Prodhim i LVV-së prej vitesh

Armend Zemaj, deputet i LDK-së, ka kritikuar deputetët e partisë në pushtet, LVV-së për sjelljen e tyre ndaj deputetëve të partive opozitare. Ai ka thënë se që nga fillimi i mandatit të Qeverisë aktuale, sjellja e tyre, sipas tij, ka qenë e ulët

Armend Zemaj, deputet i LDK-së

Deputeti i Lidhjes Demokratike të Kosovës (LDK), Armend Zemaj, ka deklaruar se dhuna fizike e shfaqur në Kuvendin e Kosovës të enjten është e papranueshme nga ana e partisë së tij.

Ai ka theksuar se incidentet në Kuvend kanë ardhur pas ngjarjeve të fundit, dhe sipas tij, pas shpërfaqjes së “një të vërtete”, e cila për LDK-në ka qenë e ditur se është bërë një “mashtrim për qytetarët e vendit”.

“Pas shpërfaqjes së një të vërtete e cila ka qenë e ditur për ne, pra raporti i LVV-së gjoja kontradiktor në kuptimin me Listën Serbe, dhe me të kaluarën e tyre, por edhe me mënyrën se si janë sjellë në Kuvendin e Kosovës… Sot doli gjitha ajo në pah, tendenca e pushtetit për të kaluar gjoja nuk ka ndodhur asgjë dhe tregimi i tyre në raport me të vërtetën duket se është joserioz dhe pastaj u shfaqën pamje të dhunës, jo të mira dhe jo të pranueshme”, ka shpjeguar Zemaj për emisionin FIVE.

Përplasjet mes deputetëve në Kuvendin e Kosovës, sipas tij, janë prodhuar prej vitesh nga partia aktuale në pushtet, LVV-së.

“Kjo është ajo që është prodhuar me vite të tëra nga LVV-ja, si mjete të dhunës, duke tentuar t’i përqafojë si mjete demokratike brenda Kuvendit të Kosovës. Të mos harrojmë që në të kaluarën ka pasur edhe gaz lotsjellës, gjëra që janë të ndaluara edhe me ligj”, ka deklaruar ai.

Ndër të tjera, ai ka kritikuar deputetët e LVV-së për sjelljen e tyre ndaj deputetëve të partive opozitare. Ai ka thënë se që nga fillimi i mandatit të Qeverisë aktuale, sjellja e tyre, sipas tij, ka qenë e ulët.

“Pushteti, sidomos Qeveria, nuk po dua t’i amnistoj deputetët, pa përjashtim të Kuvendit të Kosovës, sjellja e tyre që nga fillimi i këtij mandati ka qenë tepër e ulët, nuk ka deputet që flet në foltore dhe nuk i flasin prapa shpine, nuk ka deputet që nuk përdorin gjuhën fyese, duke thënë ‘po rren’, dhe që i kanë sulmuar deputetët”, është shprehur Zemaj.

Zemaj gjithashtu ka thënë se nga kjo arsyeje është kërkuar vazhdimisht edhe nga Grupi jonë Parlamentar, nga kryetari i Kuvendit, që t’iu tërhiqet vërejtja.

Shija e redaktorit

Osmani pritet me nderime ushtarake në Riad të Arabisë Saudite

Presidentja e Kosovës, Vjosa Osmani është pritur me nderime ushtarake në vizitën e saj në Arabinë Saudite.  Ajo po qëndron në Riad, pas ftesës që...

Mes familjes dhe ushtrisë – Historitë e fëmijëve amerikanë që...

Flamuri i Shteteve të Bashkuara të Amerikës dhe ai i NATO-s, përtej historisë në këtë hapësirë, shënojnë edhe një destinacion ku siguria dhe bashkëpunimi...

Hotel Dukagjini nikoqir i Asamblesë së Federatës Ndërkombëtare të Alpinizmit...

Rreth 130 përfaqësues të 90 shteteve të ndryshme të botës do të qëndrojnë për disa ditë në Pejë. Kjo për shkak se Federata e Bjeshkatarisë...

Të fundit nga rubrika