Deputeti i Lëvizjes Vetëvendosje, Dimal Basha, ka kërkuar nga pronari i i ri Twitter, Elon Musk, që të aplikohet i njëjti standard sikur me reperin amerikan Kanye West, të cilit iu bllokua llogaria e tij në Twitter.
Këtij të fundit iu bllokua llogaria pasi që rrëfeu admirimin e tij për Hitlerin gjatë një intervistë me një drejtues të radios, që i përket ekstremit të djathtë.
E ajo çka kërkoi Basha nga Musk ishte që i njëjti standard të zbatohet edhe tek presidenti i Serbisë, Aleksandr Vuçiq, pasi vrasësin Sllobodan Milosheviq e quajti “udhëheqësi i madhe”.
“Nëse e keni ndaluar llogarinë e K West për deklaratën e tij për Hitlerin, zbatoni të njëjtin standard dhe ndaloni @avucic, i cili gjithashtu cilësoi një vrasës si Millosheviç si “udhëheqës i madh”. Mbi të gjitha këto, @avucic ka shërbyer edhe në kohën e Millosheviqit si Ministër i Propagandës!”, i është drejtuar Basha miliarderit amerikan, Elon Musk.
Hi @elonmusk
If you banned K West for his statement about Hitler, apply the same standard and ban @avucic also for calling a murderer like Milosevic as a “great leader.” On top of all this, @avucic even served under Milosevic as a Minister of Propaganda! pic.twitter.com/t5GTblN4uE
— Dimal Basha (@dimalbasha) December 2, 2022