“Ajnshtajn” quhet roboti i parë i krijuar nga nxënësit e shkollave të mesme në Kosovë. Ky robot shërben për të treguar jetën reale të shkencëtarit Albert Ajnshtajn.
Për të diskutuar detaje të hollësishme se si lindi ideja e ndërtimit të tij dhe pse u krijua, në emisionin “Rreth e Rrotull” janë ftuar nxënësi programer, Enis Kasumi nga Shkolla Finlandeze në Kosovë dhe profesoresha e Informatikës, Rinesa Rexhepi.
Nxënësi Enes Kosumi ka theksuar se për krijimin e këtij projekti kaq madhor janë angazhuar gjashtë nxënës së shkollës së mesme, si dhe profesoresha e informatikës, dhe se ky projekt ka zgjatur rreth gjashtë muaj punë intensive.
“Emrin e ka Ajnshtajn. Ka me tregu rreth jetës se sa ka qenë i gjallë Ajnshtajni. Robot i krijuar nga nxënësit e shkollës finlandeze në Kosovës. Ka marrë pak kohë si projekt, i cili ka qenë shkaku ideja dhe fillimi se nuk kemi pasur shumë njohuri. Ky robot është vetëm pjesa e kokës dhe është i punuar me 3D printer. Trupi është statik dhe e kemi krijuar me stiropol e nuk ka funksion të plotë. Roboti ka me pas rolin e Ajnshtajnit dhe do të përgjigjet rreth jetës së tij. Me këtë projekt kanë punuar gjashtë persona. I vetmi Kosovë që është i punuar nga nxënësit e shkollës së mesme”, deklaroi ai.
Programeri Kasumi tregoi se në krijimin e këtij roboti kanë bashkuar tri gjuhët programuese, C++ , Python dhe Java.
“Sfida për projektimin ka pasur shumë, qoftë në gjetjen e pjesëve të ndryshme të robotëve. Funksioni i gojës është funksional dhe kemi punuar me disa gjuhë programuese C++, python dhe Java. Këto të fundit ndihmojnë në krijimin e tij. C++ është një gjuhë arduenin, ku mbartet rryma nga roboti në kompjuter për të vuar në funksion robotin”, theksoi ai.
E profesoresha Rinesa Rexhepi deklaroi se projektimi dhe krijimi i robotit të titulluar “Ajnshtajn”, ka qenë një projekt sfidues dhe që i ka marrë gjashtë muaj kohë deri te lansimi i tij.
E për suksesin e nxënësve të saj, profesoresha Rexhepi deklaroi se ndihet krenare për arritjet e tyre.