Edhe të dielën e 22 janarit, disa shtëpi po vazhdojnë të jenë të mbushura me ujë, pas vërshimeve të ndodhura gjatë ditëve të fundit.
Gazetari i terenit i RTV Dukagjinit, Sylejman Sylejmani, ka vizituar disa nga këto shtëpi, duke sjellë pamje të shtëpive, të cilat shihet se janë ende të mbushura me ujë.
Pra, situata vazhdon të jetë e njëjtë.
Ndërkaq, në shumicën e lagjeve, ekipit të terenit i kanë treguar se janë vizituar nga komuna.
Gjithashtu, ka edhe familje të cilat komuna i ka strehuar në hotele. Thuhet se janë strehuar familjet që kanë pasur gjendjen më të rëndë në shtëpi.
Por, një gjë e tillë nuk po thuhet në lagjen “Iliria”, te stadiumi “Adem Jashari”, pasi aty disa familje janë ankuar se nuk janë vizituar nga komuna e Mitrovicës.