Policia e Kosovës ka njoftuar për arrestimin e katër personave të dyshuar për veprën zjarrvënie, në Prishtinë.
Përmes një njoftimi të policisë thuhet se të njëjtit kishin djegur katër vetura në rrugën “1Tetori”, në Prishtinë.
“Mbrëmë hetuesit e Njësitit të hetimeve të Përgjithshme -Prishtinë, kanë arrestuar katër persona të dyshuar për veprën zjarrvënie të raportuar më datën 20.09.2022”, thuhet në njoftim.
“Personat e arrestuar janë A. S, mashkull, 46 vjeç, S. I, mashkull, 16 vjeç, H. M, mashkull, 40 vjeç dhe L. L, mashkull, 24 vjeç me vendim të prokurorit janë dërguar në mbajtje”, vijon njoftimi.
Po ashtu, në njoftim thuhet se polica po vazhdon punën në drejtim të garantimit të rendit dhe sigurisë publike si dhe goditjes së individëve dhe grupeve kriminale, me fokus të veçantë zbardhjen e veprave kriminale, identifikimin dhe arrestimin e të dyshuarve të implikuar në ngjarjet kriminale.